༄༅། །ཚེ་རིང་ལྕང་མའི་རྩེ་ལ།།
བྱིའུ་ཆུང་ཡིན་ན་དགའ་སོང་།།
བསམ་བློ་གང་ནས་བཏང་ཡང་།།
དམ་པའི་ལྷ་ཆོས་དྲན་སོང་།།
ཆུ་ལ་སྐྱོ་རོགས་ཉ་མོ།།
བྲག་ལ་སྐྱོ་རོགས་འུག་པ།།
ལས་ངན་སྤྲང་མོ་རང་ཡ།།
སྐྱོ་རོགས་བྱེད་མཁན་མི་འདུག།
ང་རང་གཅིག་ལས་མེད་ན།།
ལྷ་ཆོས་གླིང་དུ་འགྲོ་དགོས།།
འཁོར་བའི་བུ་ཆུང་བཞག་ནས།།
ཆོས་ལ་འགྲོ་ས་མི་འདུག།
ང་རང་གཅིག་ལས་མེད་ན།།
པདྨའི་གླིང་དུ་འགྲོ་དགོས།།
ཕ་མ་རྒན་རྒོན་བཞག་ནས།།
ཆོས་ལ་འགྲོ་ས་མི་འདུག།
ས་སྟེང་མི་ཡི་ལུང་པར།།
ཉི་མ་ལོ་ལས་རིང་སོང་།།
ཉི་མ་རིང་བ་མ་ཚད།།
ཕ་ཡུལ་ས་ཐག་རིང་སོང་།།
སྐྱེ་བ་མི་དང་མཉམ་རུང་།།
བསོད་ནམས་མི་དང་མ་མཉམ།།
སྐྱིད་པའི་ཕ་ཡུལ་བཞག་ནས།།
འཁྱམ་ས་མི་ཡི་ལུང་པ།།
ཚེ་སྔོན་ཚོགས་བསགས་མེད་པའི།།
ལས་ངན་ཅན་གྱི་སྤྲང་མོ།།
ས་འདི་མི་ཡི་ལུང་པར།།
འཁོར་བར་འཁྱམས་ནས་ལུས་སོང་།།
No comments:
Post a Comment